It reisgjen mei de bus is altyd wer in belevenis. It is hjir faaks smoardrok. As ik betiid de doar 'utgean, dan ha ik grutte kans dat ik sitte kin. Mar it bart ek wol gauris dat de bus stoppet en der mar in pear minsken mear by kinne. Dan sit de bus groatfol en hingje sels guon oan de butekant fan de bus. Hartstikke gefaarlik.  Dan wachtsje ik mar op de folchjende bus, meastal duorret dat net sa lang. Yn de bus sitte de mannen faaks oan de rjochter kant yn de bus en de frouwen oan de linker kant. Ek as se stean moatte, steane de frouwen oan de frouwekant en de mannen by de mannen. " Dan kinne de mannen gjin kwea dwaan". Dit idee skynt wol wat oan it feroarjen weze, mar ik sjoch wol dat de measten harren der noch oan halde. Der is in sjauffeur en in kondukteur yn de bus. As it net sa drok is dan komt hy by dy del om in kaartsje te ferkeapjen. As it tige drok is, dan kinst de sinten trochjaan en rugelt it wol nei de kondukteur ta en efkes letter komt it kaartsje nei dy ta. De kondukteur hat altyd in fluitsje by him sadat hy oan de bussjauffuer oanjaan kin as hy wer fjierder ride kin. Fannewike hie ik de kondukteur 10 roepies joun en hy moast noch wat lytsjild ha. Yntiid waaide dit briefke ut syn hannen wei. Hy roun der efter oan, hy wie hieltyd krekt te let om it briefke te pakken. Uteinlik waaide myn 10 Roepies fia de iepen doar nei buten ta. In komysk gesicht wie dat. Foarige wike binne de busprizen flink omheech gien. Ik moast oars elke rit 8 roepies betelje en no ynienen hat de regearing de priis omheech smiten nei 13 roepies. In grut ferskil, hoewol dit foar us noch hieltyd in hiel lyts bedrach is! Fannewike seach ik in kondukteur dy't syn nails read lakt hie. En de mannen dy't griis wurde, fervje harren hier swart.  Hinnereis moat ik altyd mei de leste stop utstappe. Ien kear skrok ik suver, ik skynde wat te traach te wezen, ik waard der hast utjage. De bus stoppet amper as de measten steane al yn de startblokken om der ut te gean. Ik hie dat earst net yn 'e gaten. Ek om yn te stappen, moast rap weze, want sadra as de leste persoan de trap op stapt, begjint de bus al wer te riden.